افغانستان
کونړ کې چاودنې اوو پوليسو ته مرگ ژوبله اړولې
د کونړ په ناړۍ ولسوالۍ کې د پوليسو پر يوه رېنجر موټر د چاودنې په ترڅ کې اوو پوليسو ته مرگ ژوبله اوښتې ده.
د ناړۍ امنيه قوماندان حاجي يوسف رسنيو سره خبرو کې د پېښې پخلی کړی او ويلي يې دي، چاودنه د سړک د غاړې د بم له امله رامنځته شوه او له امله يې پينځه پوليس ووژل شول او دوه نور ټپيان شول.
د چاودنې پړه وسله والو طالبانو پر غاړه اخيستې ده.
ناړۍ ولسوالۍ د کونړ له مرکزه نږدې اتيا کيلو متره لرې پرته غرنۍ سيمه ده او وسله وال په کې پراخ فعاليت لري.
