د ولسمشرۍ ماڼۍ خبر ورکوي چې ولسمشر اشرف غني د دوو ورځو لپاره تاجکستان ته رهي شو. اشرف غني د تاجکستان د ولسمشر امام علي رحمان په بلنې دې هېواد ته سفر کړی.
په دې سفر کې له ولسمشر سره یو جگپوړی دولتي هیات هم ملتیا کوي.
دې سفر کې به د دواړو هېوادونو مشران په دوه اړخیزو اړیکو او د دواړو هېوادونو تر منځ په گڼو برخو کې د مرستي په اړه نظریو باندې فکر وکړي.
دواړه ولسمشران به همداراز د گڼو همکاریو د ترسره کولو په اړه پریکړه لیکونه لاسلیک کړي او ورسره به د تاجکستان د ملي پوهنتون محصلینو ته وینا هم وکړي.
د بهرنیو چارو وزیر صلاح الدین رباني، د اوبو او انرژۍ چارو وزیر علي احمد عثماني او د برېښنا شرکت مشر قدرت الله دلاوري په دې سفر کې له ولسمشر سره شامل دي.
