د سرخط ورځپاڼې د سرمقالې عنوان دی، امریکا له طالبانو سره لوبه کوي.
وړاندې په سرمقاله کې یادونه شوې، دا چې په قطر کې د سولې خبرې په درز روانې دي، د امریکا ولسمشر په بې پروايۍ اعلان کوي چې که له طالبانو سره د سولې توافق نهايي هم شي، په افغانستان کې به امریکايي پوځیان وساتي.
د سرخط د سرمقالې لیکوال په واضحو ټکو لیکلي، طالبان له امریکايي لوري سره د سولې خبرې ته زیات امېدوار دي، خو لیدل کېږي چې امریکا به دغه توافق ته ژمن پاتې نه شي او په افغانستان کې به د پوځي حضور د ساتلو لپاره له هر ډول بهانې استفاده وکړي.
