ولسمشر غني د یوه نوي فرمان له لارې د دریو بندونو قراردادونه لغوه کړي او د برېښنا او اوبو له وزارت څخه یې غوښتنه کړې چې د بندونو د ژر جوړېدو کار دې نوو شرکتونو ته وسپاري.
د ولسمشر دفتر وايي چې د قراردادونو د لغوې تر ټولو ستر لامل د کار ورووالی او کمزوری کیفیت دی. دفتر زیاته کړې چې دې دریو بندونو کې د المار، ماچلغو او پاشدان بندونه شامل دي.
د ولسمشرۍ دفتر همداراز زیاته کړې چې دغه شرکتونه به مالي مجازات هم شي او د برېښنا او اوبو له وزارت او ماليې وزارت څخه یې غوښتي چې په دې اړه خپل کارونه ژر ترسره کړي.
