گارډین ورځپاڼې خبر ورکړی چې د اروپايي اتحاديې پټ سند یې تر لاسه کړی چې له مخې یې اروپايي اتحاديي افغان حکومت ته په پټه اخطار ورکړی چې شاوخوا ۸۰۰۰۰ افغان کډوال چې اروپا کې د پاتې کېدو لپاره کاغذونه ورکړي بېرته افغانستان ته راستانه کړي.
ګارډین ورځپاڼه زیاتوي چې سند کې اروپايي اتحاديې افغان حکومت ته اخطار ورکړی چې که د کډوالو دغه شمېره ونه مني نو ښايي د بروکسل په غونډې له افغان حکومت سره مرسته ونه کړي. اروپايي اتحاديي په ۲۰۱۲ کال کې د ټوکیو په کنفرانس کې ژمنه کې وه چې هر کال به له افغان حکومت سره څلور ملیارده ډالر مرسته کوي.
تیمور شرن د بحران د نړیوالې ټولنې غړي گارډين ته ویلي چې افغان کډوالو ته ډېره ستونزمنه ده چې خپل هېواد ته بېرته ستانه شي. د شرن په وینا افغان حکومت نه شي کولای چې خپلو هېوادوالو ته د کار زمېنه برابره کړي. تېر کال ۱۹۶۱۷۰ تنه افغان کډوالو په اروپايي هېوادونو کې د پاتې کېدو لپاره خپل اسناد ټول کړي دي چې له دوی څخه ډېری یې د امنیتي ستونزو له کبله نه شي کولای چې خپل هېواد کې ژوند وکړي.
اروپايي اتحاديې له ترکیې سره ۶ ملیارده ډالره مرسته وکړه چې د کډوالو مخه ونیسې او د روان کال د اگست له شلمې وروسته چې کوم کډوال اروپا ته رسېږې بېرته ترکیې ته ستانه کړي.
