شعر
مينه/ خالق یار احمدزی
مینه که ژوند وي نو معنا د استبداد به څه وه؟
اوس چې په مرګ نومول شوې سمې خولې لګوي
مینه حصه د آزاد خیاله بې کماله نه ده
مینه مستوره په نقاب ګوتې پخې لګوي
مینه د کیف او کم مدار کې لیدل شوې نه ده
مینه د راز او نیاز فلک باندې پنجې لګوي
مینې د حسن بدرنګي تعریف زدهكړی نه دی
مینه ګلاب ده په اغزیو کې خیمې لګوي
مینه د ستا د غزلیز الهام څو توري نه دي
مینه اواز دی خالقیاره هیلې مړې لګوي
