کورنيو چارو وزارت د دوو امريکايي سلاکارانو وژونکی عسکر نيولی

د افغانستان د کورنيو چارو وزارت څلور کاله وروسته د ملي اردو هغه عسکر نيولی دی، چې د دوو امريکايي سلاکارانو پر وژنه تورن دی.

د دې وزارت وياند صديق صديقي رسنيو ته ويلي، څلور کاله وروسته يې د ملي اردو هغه عسکر نيولی، چې د دوو امريکايي سلاکارانو د وژنې شک پرې و. نوموړي زیاته کړې ده: «دغه تورن عبد الصبور نومېږي او څلور کاله مخکې يې د کورنيو چارو وزارت دننه دوه امريکايي سلاکاران په ډزو ووژل».

نوموړی له پېښې وروسته تښتېدلی و، صديقي وايي، پوليسو عبد الصبور د باميانو په يکاولنگ ولسوالۍ کې نيولی او بيا يې کابل ته استولی دی. د هغه په وينا نوموړي خپل جرم منلی دی.

دا په داسې حال کې ده، چې د امريکايي پوځيانو له لوري بيا بيا د ملي اردو پر عسکرو او ملکي افغانانو مرگوني بريدونه شوي، خو تر اوسه له دې امله هيڅ امريکايي پوځي نيول شوی يا محاکمه شوی نه دی.