غزل / فاروق ديدار

ماته په سترګو کې له نم نه سیوا، اخوا کنه

ماته ژوند څه راکړې؟ غم نه سیوا اخوا کنه

زړه کې مې ځای نشته د بل لپاره یمه داسې
زړه کې مې ځای نشته صنم نه سیوا اخوا کنه

لا هم د شک په پوله ناسته پر ما شک کوې خو
نور درته څه ووایم قسم نه سیوا اخوا کنه

زه نور څه نه غواړم د خپل بچو لاسو کې زیاتي
زه نور څه نه غواړم قلم نه سیوا اخوا کنه

ددغه دور زمـــــانې دا ځینې ځینې یاران
دیـداره! نه ګڼم لړم نه سیوا اخوا کنه