افغانستان ته د ملګرو ملتونو استازی نيکولاس هېسم وايي چې د ملي وحدت حکومت مخ پر کمزورۍ روان دی.
سپوږمۍ راډيو راپور ورکوي چې نيکولاس هېسم په خپلو څرګندونو کې زياته کړې ده چې که چېرته د ملي وحدت حکومت پر وړاندې پنځه خنډونه له منخه لاړ نه شي، دا هېواد به له يوه ناورين سره مخ شي.
بلې خوا افغان حکومت د هېسم څرګندونې او اندېښنه جدي نه نيسي. حکومت ويلي دي چې افغانستان په ښه لوري روان دی او دغه ډول منفي څرګندونې يوازې په ګومان ولاړې دي.
د ولسمشر د وياند مرستيال سيد ظفر هاشمي ويلي دي چې نړيوالې ټولنې په ۲۰۱۴م کې هم د افغانستان په اړه منفي نظر لاره او د سقوط خبره يې کړی وه، په داسې حال کې چې سقوط نه دی رامنځ ته شوی.
نيکولاس هيسم دغه څرګندونې د افغانستان په اړه د امنيت شورا غونډه کې ترسره کړي او ويلي يې دي چې ياد دولت له ناکامۍ سره مخ دی.
