هغه اپلیکیشن چې د ماشوم د ژړا لامل څرګندوي
ډیر ځلي داسې کیږي چې ماشوم د اوږدې مودې لپاره ژاړي خو مور او پلار يي له دې امله چې د ماشوم د ژړا په لامل نه پوهیږي د ماشوم په غلی کولو کې پاتې راځي.
اوس د ټکنالوژي برخې کارپوهانو د سمارټ فون داسې اپلیکیشن په جوړولو بریالي شوي چې د مور او پلار دغه ستونزه د ماشوم د ژړا لامل معلومولو سره حلولی شي.
د تایوان ملي پوهنتون په روغتون کې د Infant Cry Translator یا د ماشوم د ژړا ژباړوونکی په نوم دغه اپلیکیشن جوړ کړی کوم چې د ماشوم د ژړا څلور مختلف اوازونه ثبتوي او د هغوي تر منځ توپیر پیدا کولو سره هغه له شته معلوماتو سره پرتله کوي.
د دغې اپلیکیشن جوړولو لپاره د تکنالوژي برخې څیړوونکو د ۱۰۰ نوو زیږیدلو ماشومانو د ژړا ۲۰۰۰۰۰ مختلف اوازونه ثبت کړل.
د دغې اپلیکیشن استعمال داسې کیږي چې کله چې ماشوم وژاړي نو په دغه اپلیکیشن کې یي باید ژړا د ۱۰ ثانیو لپاره ثبت شي چې له دې سره د ماشوم غږ کلاوډ ډرایف کې ثبت کیږي.
د غږ له ثبت کیدو وروسته دغه اپلیکیشن د ۱۵ ثانیو تجزيي او تحلیل څخه وروسته د سمارټ فون پر سکرین پایله ښودلو سره تاسې ته وايي چې ماشوم مو ولې ژاړي.
