یو شمېر سرچینو رسنیو ته ویلي طالبانو او امریکا په پټه او مشروط اوربند کړی دی او په دې اړه زلمي خلیلزاد له افغان سیاسیونو سره هم خبرې کړې دي.
د سرچینې په وینا طالبانو او امریکا پر یو بل د برید نه کولو هوکړه کړې او ددې تر څنګ پر دې ټینګار شوی چې که افغان ځواکونه پر وسله والو طالبانو برید کوي نو بهرنیان یې باید مرسته او ملاتړ و نه کړي. بلخوا د طالبانو د قطر دفتر ویاند سهیل شاهین بیا وایي پر ټولو هغو مواردو به عمل کېږي چې په هوکړه کې راغلي وي.
دده په خبره دمګړی د خبرو د ځنډېدو لامل هم دا دی چې طالب مشران په خپلو کې د اوربند پر مسئله پرېکړه کوي. د طالبانو یوه بل ویاند ذبیح الله مجاهد هم ویلي چې تر اوسه اوربند نه دی شوی خو خبرې ورباندې روانې دي.
