ولسمشر ټرمپ: “موږ همدا اوس له طالبانو سره پر یوه قرارداد بوخت یو”

تېره شپه امریکايي تلویزیون فاکس نیوز د ټرمپ له قوله خبر ورکړ چې موږ همدا اوس له طالبانو سره د سولې پر یوه قرارداد بوخت یو.

د امریکا ولسمشر یاد تلویزیون ته دغه خبره داسې مهال کړې چې ډاکتر زلمی خلیلزاد په قطر کې دی او له طالب مشرانو سره د سولې په غیررسمي خبرو اترو بوخت دی.

داسې ښکاري چې د امریکايي پوهنتون د استادانو او طالب بندیانو له تبادلې سره د امریکا او طالبانو ترمنځ د سولې خبرې له سره پيل شوې دي.