پاموړ
افغانستان کاناډا ته په ۸۲ منډو ماتې ورکړه
د افغانستان کرېکټ ملي لوبډله د ۲۰۲۶ زېږدېز کال شل اوریز نړیوال جام په لړ کې خپله څلورمه او وروستۍ لوبه په بریا پای ته ورسوله او د کاناډا کرېکټ ملي لوبډله ته یې د ۸۲ منډو په توپیر ماتې ورکړه.
افغان لوبډلې لومړۍ توپوهنه وکړه او په ټاکلو شلو اورونو کې یې د ۲۰۱ منډو ستر هدف وټاکه. د یاد هدف په ځواب کې کاناډايي لوبډله د افغان توپ اچوونکو پر وړاندې ونه درېده او له ټاکلي هدفه ۸۲ منډې کمې پاتې شوه.
په دې بریا سره افغان لوبډلې خپله سیالي په پیاوړي پیغام پای ته ورسوله.
