د امريکا ميشيگن ايالت کې نامعلومو بريدگرو پر خلکو ډزې کړې دي، چې له امله يې شپږ تنه وژل شوي دي. پوليس وايي، د بريدگرو د نيولو لپاره يې عمليات پيل کړي دي.
پېښه د ميشیگن په کالامازو سيمه کې رامنځته شوې ده. عيني شاهدان وايي، بريدگر په يوه موټر کې سپاره وو او پر خلکو يې ډزې کولې.
ډزو کې تر دې دمه شپږ تنه وژل شوي دي، چې څلور يې په يوه رسټورانټ او دوه نور د گاډو په یوه بارگين کې وژل شوي دي.
پوليس وايي، بريدگر او د هغه موټر يې په نښه کړی دی او لټون يې کوي، خو معلومه نه ده، د پېښې لامل څه دی.
