شننونکي: حزب اسلامي باید «ډي ډي ار» شي

زه یو عام افغان یم، نه حزبي یم، نه جمعیتي او نه هم ددې حکومت غړی، خو موخه مې یوازې دا ده چې حق وویل شي، د حزب اسلامي بې وسلې کوول او بیا د یاد حزب وسله په ملې دفاع وزارت کې جذبوول یونېک او پرځای کار دی، خو زما پوښتنه دا ده چې آیا یوازې همدا حزب اسلامي د هیواد امنیت او ټیکاو ته ګواښ بلل کیږي اوکه دانورې دلې ټپلې چې اوسمهال په دې ګډوډ حکوت کې پوره ونډه لري دوی هم ګواښ ګڼل کیدای شي؟ ددې خبرې د اثبات دپاره د ولسمشر لومړی مرستیال جنرال دوستم او د بلخ ولایت تل پاتی والې عطامحمدنور دي. که چېرې خبره د عدالت او انصاف وي او هغه په ښاغلي حکمتیار او پلویانویي پلي کیږي نو دا نورحزبونه د څه شي پراساس برآت کیږي. راځئ چې پخپله قضاوت وکړو او هغه دا چې تاسو وګورئ، د ۱۳۷۱ کال د کورنۍ جګړې پرمهال د کابل کومې سیمې ډیرې زیانمن شوي دي، هغه سیمې چې حکمتایرصاحب په راکټونو ویشتي یعنې د کابل سیند شمال لوری او که هغه سیمې یعنی د کابل سیند جنوب او ختیځې سیمې، (اتمه ناحیه) چې جمعیت او نوروحزبونو په ګلونو(د الوتکو په بمبارۍ) ویشې. نوکه چېرې محاکمه کیږي نو ټول (سیاف، محقق، دوستم، عطا، خلیلي، حکمتیار) او نور ټول هغه کسان چې مظلومو او بې وسه افغانانو په وژنه کې لاس لري محاکمه شي او هیڅ یو دې له دې امرڅخه مستثنی نه ګڼل کیږي.