د هرات جنوب لور ته د يوې ترافيکې پېښې په ترڅ کې لږ تر لږه يوولس تنه وژل شوي او اووه نور ټپيان دي. پېښه پرون په کمرکلاغ نومې سيمه کې رامنځته شوې ده.
د هرات چارواکي وايي، پېښه هغه مهال رامنځته شوه، چې د سپرليو درې موټران خپلو کې وجنگېدل.
د هرات دغې سيمې ته د نوروز د مېلې لمانځلو لپاره زرگونه وگړي راټولېږي.
چارواکو د پېښې لامل د سړکونو خرابی او د چلوونکو بې پامي بللی.
افغانستان کې هر کال لسگونه زره وگړي د ترافيکي پېښو په ترڅ کې خپل ژوند له لاسه ورکوي، چې ستر لاملونه يې، د سړکونو خرابی، د ترافيکي نښو نه شتون او د چلوونکو بې پامي بلل شوې ده.
