له تېرو درېوو میاشتو راهیسي په هلمند کې د امنیتي ځواکونو او طالبانو تر منځ سخته جګړه روانه ده. د ماندگار ورځپاڼي د یوه راپور له مخې د دې جگړې له پیل راهیسې یوازې د ملي اردو ۶۵ پوځیان طالبانو ته تسلیم شوي دي. دغه پیښه د هلمند والي میرزا خان رحیمي هم منلې وه او دا یې یو «ستر خیانت» بللی و.
د نومبر د میاشتي په وروستیو ۱۵ ورځو کې د ملي اردو ۸۸ سرتیري وژل شوي وو او جگړه د لښکرگاه ښار په ۵ کیلومترۍ کې وه. له دې سره د باباجي او مارجي ولسوالۍ د طالبانو له لورې محاصره شوې. دا په داسي حال کې وه چې د امریکا د دفاع وزیر تېره ورځ په ننگرهار کې وویل چې د طالبان په ځینو سیمو کې پرمختگ کړی دی له دې ښکاري چې دا جگړه ډیره خونړۍ ده.
محمد جان رسولیار د هلمند د والي مرستیال په یوه پرانستي لیک کې ولسمشر اشرف غني ته لیکلي: «د هلمند درې ولسوالۍ د طالبانو په لاس له پخوا پریوتي دي. گرشک او سنگین د سقوط په حال کې دي». ده همدارنگه له ولسمشر څخه د مرستې غوښتنه کړي ده. ده د پرانستي لیک په یوه برخه کې له کابل څخه شکایت کړی دی چې دوی هلمند ته په وخت مرستې نه رسوي.
د گرشک د ولسوالۍ ایمرجنسي روغتون خبریالانو ته وویل چې یوازې په تیرو دوو ورځو کې له ۱۰۰ ډیر د ملي اردو د وژل شوو سرتیرو جسدونه وروړل شوي دي، له دې سره ۱۷ ملکي وگړو ته هم مرگ ژوبله اوښتې ده.
