گارډین برتانوي ورځپاڼه خبر ورکوي چې افغان ملي اردو ځواکونه په هلمند کې له ښوونځیو څخه د مورچل کار اخلي. گارډین ورځپاڼه په داسې حال کې خبر ورکوي چې طالبانو تېره اوونۍ پسرلني عملیات د «عمري عملیاتو» تر نامه لاندې اعلان کړل.
گارډین زیاتوي چې د ملي اردو دا کړنې په سویل کې د نړیوالې ټولنې ۱۵ کلن تعمیراتي او معنوي لاسته رواړنې له منځه وړي. د ملي اردو سرتېرو د ښوونځیو پر بامونو باندې مورچلې نیولي دي.
له دې سره راپور زیاتوي چې په «چاه انجیر» او «نادعلي» سیمو کې د ملي اردو سرتېرو یوه ښوونځۍ کې اړولي او د ښوونځۍ له ودانۍ څخه د قومندانۍ کار اخلي.
جنگ ځپلو سیمو کې د غیرې نظامي افرادو تلفات ورځ تر بلې په ډېرېدو دي. که چېرې ښوونځي په مورچلونو بدل شي نو د ملکي افرادو تلفات به لا نور هم زیات شي.
هلمند کې جگړه تر نورو کلونو ډېره زوروره ده. د دفاع وزیر معصوم ستانکزي ویلي چې سږکال به جگړه د هېوادو په ډېرو برخو کې تر نورو کلونو زوروره وي.
