دا چې جوته ده، چې بښل تر انتقام اخيستلو ډېر ښه دي، خو اوس پوهانو ثابته کړې ده چې بښنه او له نورو سره مرسته د بدن پر روغتيا بشپړ اغېز اچوي او د عمر د اوږدوالي لامل کېږي.
د پوهانو ۵ کلنې څېړنې چې په ۸۴۶ کسانو یې کړې دي ، دا ثابتوي چې د هغو کسانو د مرګ احتمال چې د خپل ژوند د ډېر فشار او خپګان پروخت کې له نورو سره مرسته وکړي ، له هغو کسانو چې په عادي مرګ مري کم دی.
دا فشار او خپګان لرونکي شرايط کېدای شي ، په يوه سخته ناروغي مبتلا کېدل ، بېکاري، مالي ستونزې، او ياهم د خپل خپلوانو مرګ وي چې سړی ډېر پرې خپه وي ، که په همدې خپګان او ستونزه کې يو چا سره مرسته او يا بښنه وکړي عمر یې اوږدېږي او سلامتيا یې په برخه کېږي.
د امريکا د بوفالو پوهنتون مايکل جيپولين وايي: په سختو ، دردمنو او ناګوارو شرايطو کې د نورو بښل او مرسته ورسره کول د بښونکي په روغتيا کې مرسته کوي ، عمر یې ډېروي او د سټريس د منفي اغېزو په مقابل کې دا چاره ډېره ګټوره تمامېږي
نوموړی زياتوي زموږ نتيجه ګيري داده چې له نورو سره مرسته د مرګ ومیر د کچې په راکمولو کې د پام وړ کومک کوي موږپه ۵ کاله څېړنو کې دا ثابته کړه چې هغه کسان چې تر ډېر غم او فشار لاندې وخت کې یې له نورو سره مرسته او يايې ورته بښنه کړې د مړينې کچه يې ډېره کمه ده.
سرچينه:
Public Health
ژباړه:نوراحمد عایل
