ايټاليه کې د تېرې ورځې د زلزلې د وژل شويو شمېر يو سل او شپېتو تنو ته ورسېد. دغه زلزله چې د رېکټر په حساب ۶،۲ درجې وه، پرون يې د ايټاليې زړه کې غرهييزه سيمه ووهله او سلگونه کورونه يې ونړول. د ايټاليې پوځ او ژغورونکي ټيمونه لا هم د خلکو په ژغورنه بوخت دي.
ځايي رسنۍ وايي چې زلزلې د ځينو ښارونو ځينې برخې په بشپړ ډول له منځه وړې دي، دغه راز د څلور سوو په شاوخوا کې خلک ټپيان شوي او يو نامالوم شمېر لا هم ورک دي.
د زلزلې ډېری قربانيان سيمې ته تللي سيالبين وو، يو ځايي اوسېدونکی وايي: «دلته ټول ځوانان و.. دا د رخصتۍ موسم دی او د ښار مېله بله ورځ پېل کېده، ځکه نو ډېر خلک راغلي وو». نوموړي زياته کړه: «دا وېروونکی دی، زه پنځه شپېته کلن يم خو داسې څه مې مخکې نه و ليدلي، هر څه يې له منځه يووړل».
د يادونې ده چې د ايټاليې په لاکويلا ښار کې په ۲۰۰۹ز کې هم يوه زلزله شوې وه، چې له امله يې له درې سوو ډېر کسان وژل شوي وو.
