د پروان په کوه صافي ولسوالۍ کې د بهرنیو ځواکونو یوه بې پېلوټه الوتکه غورځېدلې ده.
د کوه صافي ولسوال سیف الله بیدار ویلي چې دغه پېښه بېګا شپه ۱۰ بجې د دغې ولسوالۍ په احمدزۍ سیمه کې رامنځته شوې.
نوموړي زیاته کړه چې چې د بهرنیو ځواکونو یوه بې پېلوټه وړه الوتکه چې په سیمه کې په کشفي فعالیت بوخته وه، ناڅاپي وغورځېدله.
طالب ویاند ذبیح الله مجاهد ویلي چې بې پیلوټه الوتکه د دوی ملګرو لخوا په نښه شوې ا راغورځول شوې ده.
په افغانستان کې مېشتو بهرنیو ځواکونو لا تر دې دمه په دې اړه څه نه دي ویلي.
