اوس د خپل وجود صحرا ته نه شم ستنېدلی
ستا د محبت د دريابي وعدې په تمه
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تندې تېروم، له انتظاره لذت اخلم
پايمه د چا د شرابي وعدې په تمه
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زړه کې مې اوس هم هغسې ستا د شونډو کيف دی
مړ دې شمه زه د ګلابي وعدې په تمه
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خپلې ارادې يې خرڅې کړې په ملا دي
ناست دی د جنت د سرابي وعدې په تمه
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
څوک به مې لاسونه په لاسونو باندې ښکول کړي
ژوند کوم د داسې ثوابي وعدې په تمه
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ژمی دی زغمم اجمله څومره درانه سيوري
بس د يوې خولې د افتابي وعدې په تمه
