پاکستاني رسنيو خبر ورکړی، چې د سند صوبې د ټنډو محمد خان سيمې په کريم اباد کالونۍ کې د زهرجنو شرابو څکلو له امله تر دې دمه اتلس تنه وژل شوي دي. سرچينو زياته کړې ده، چې وژل شويو کسانو کې مېرمنې هم شاملې دي.
چارواکي وايي، د پېښې له امله يې د سيمې د پوليسو د مشر دنده ځنډولې ده.
د سرچينو په وينا زهرجنو شرابو ځپلي نور کسان حيدر اباد روغتون او ټنډو محمد خان روغتون ته لېږدول شوي دي. د سيمې خلکو د پېښې پر ضد تېره شپه په لاریونونو لاس پورې کړی دی.
د سند چارواکو د پېښې راپور غوښتی دی او ويلي يې دي، چې شرابو تيارولو کې ککړ کسان يې نيولي دي.
د يادونې ده، چې د پاکستان په بېلا بېلو سيمو کې تر دې مخکې هم گڼې داسې پېښې رامنځته شوې دي.
