د عراق پلازمېنه بغداد کې تېره ورځ دوه غبرگو چاودنو لږ تر لږه اويا تنه وژلي او له سلو ډېر نور ټپيان کړي دي.
چاودنې تېره ورځ مازديگر مهال د شيعه مېشتي ښارگوټي عمدتا په ابوغريب سيمه کې رامنځته شوې دي.
عراقي چارواکي وایي، د چاودنو موخه د عراقي پوځ يوه قرارگاه وه. هغوی زياتوي، لومړی د دوه موټر بمونو په واسطه سيمه کې چاودنې وشوې او وروسته داعش جگړه مارو له امنيتي ځواکونو سره نښته پيل کړه.
چارواکي وايي، د داعش د بريد په تمبولو توانېدلي دي.
په وژل شويو کې عراقي پوځيان او شيعه وگړي شامل دي.
