د امریکا د دفاع وزارت «پنټاگون» وايي چې ډېر ژر به سلگونه تازه دمي امریکایي سرتېري هلمند ته واستوي.
د پنټاگون ویاند مایکل لاوهورن وايي چې د سرتېرو دغه ډله به ډېر ژر افغانستان ته واستوي. لاوهرن زیاته کړه چې دوی به هلمند کې د امنیت راوړلو لپاره کوښښ کوي او تر څنگ به یې د لښکر قولاردو سرتېرو ته مشوره هم ورکوي.
په دې وروستیو کې د ملي اردو سرتېري د طالبانو په وړاندې له ماتې سره مخ شوي دي چې ورسره امریکايي چارواکو اعلان کړه چې دوی به ۲۰۰ تازه دمه امریکایي سرتېري هلمند ولایت ته استوي.
