د سعوي عربستان هوايي شرکت رسمي خبرپاڼې د راپور له مخې د تېرې دوشنبې په ورځ د سعودي عربستان هوايي شرکت الوتکه چې له بیسحه نومې سیمې څخه یې د دې هېواد پلازمېنې «ریاض» ته سفر کاوه چې پیلوټ د سفر په دوارن کې د زړه د حملې له امله خپل ژوند له لاسه ورکړ.
پیلوټ «ولید المحمد» چې ۱۷۳۴ ماډل مسافر وړونکې الوتکه یې چلوله د ریاض هوایي ډگر ته له کېناستو مخکې د زړه د حملې ښکار شو او الوتکه د ده مرستیال پیلوټ «رامي بن غازي» کنټرول کړه. غازي وايي چې الوتکه د پرېوتو له خطر سره په بشپړ ډول مخ وه. د مرستیال پیلوټ د وینا له مخې ټولو مسافرینو ته د بیړني حالت خبر ورکړل شوی وو.
کله چې الوتکه د ریاض په هوايي دگر کې کېناسته او بېړنۍ مرستې راورسېدې. ډاکټرانو خبر ورکړ چې ولید المحمد خپل ژوند له لاسه ورکړی دی.
