وربشې د انسان وزن کموي او تر څنګ يې د شکرې او زړه ناروغيو په مخنيوي کې هم رغنده رول لري.
د سويډن طبي تحقيقاتو ښودلې، چې د وربشو خوراک په ډېره بيړه د انساني روغتيا لپاره اغېزمن دی او خوړو سره يې د وينې غوړ او د وينې فشار نورمال ساتي او تر څنګ يې انسان د شکرې له ناروغۍ هم ژغورل کيږي.
د څېړنې له مخې په وربشو کې پرېمانه فايبر موجود دي او که په اوبو کې جوش شي، هر وخت سهار په نهاره وخوړل شی، نو د وزن او اشتها کمولو تر څنګ د معدې نظام لپاره هم ډېر ګټور دي.
د سويډن ليونډ پوهنتون طبي څېړنه کې راغلي، چې ډاکټرانو خپلو ناروغانو ته د سهار چای، غرمې ډوډۍ او ماښام خوراک کې د وربشو ډوډۍ ورکړې او بيا يې د دغو ناروغانو د شکرې، وينې غوړ او د زړه رګونه کتلي، چې پام وړ ښه والی په کې راغلی.
په څېړنه کې راغلي، چې د وربشو خوراک سره بدن کې ميټابولزم کې ښه والی راځي، چې له امله يې د وينې شکر او انسولين درجې کميږي او انسولين سره د بدن حساسيت نور هم قوي کيږي.
د ډاکټرانو په وينا د وربشو خوراک سره معده کې د روغتيا لپاره ګټورې بکتريا نور هم فعاليت زياتوي.
