په ریاست جمهورۍ کې ځینې منابع وایي، چې اجراییه ریس ډاکټر عبدالله په ولسمشر غني له دې وجې نیوکې وکړې، چې وکوالی شي د جمعیت اسلامي څخه خپل ملاتړ تر لاسه کړي. د ډاکټرا عبدالله نیوکو په کور دننه او بهر د ورځپاڼو او مجلو سرټکې شوو.
نیویارک ټایمز د ځینو سیاسي شنونکو له خولې لیکي، چې د اجراییه ریس ډاکټر عبدالله نیوکې په داسې مهال کې چې طالبانو په افغانستان کې خپلو جکړو ته زور ورکړی او د افغانستان زیاته برخه د طالبانو په لاس کې ده، په افغانستان کې سیاسي بحران راوړلی شي. ورځپاڼه د سیاسي شنونکي هارون میر له خولې لیکي، چې اجراییه ریس ډاکټر عبدالله په ۲۰۱۴ میلادي کال ټاکنو کې د جمعیت اسلامي په ملاتړ د اجراییه پوسټ تر لاسه کړ، خو واک ته تر رسېدو ورسته یې جمعیت اسلامي ته شا کړه او د دغه حزب غړي له ډکټر عبدالله څخه مایوسه شول.
ښاغلی میر وایي، په دې ورستېو کې په عبدالله نیوکې د دې لپاره وشوي، چې ګواکې د ولسمشر غني په وړاندې کمزورې شوی. ولسمشر غنې د ملي وحدت حکومت په جوړیدو کې له عبدالله سره حکومت پنځوس سلنه ویشلې وو، نو ولسمشر غنې اړ دی چې په هرې وړې او غټې پرېکړې کې د اجراییه ریاست رضایت تر لاسه کړي، خو ولسمشر غني هر کار په خپل سر کوي، او حتا دا درې میاشتې کېږي چې اجراییه ریس ته یې د ملاقات وخت هم ندې ورکړی. ښاغلې میر وایي، چې عبدالله په ۲۰۱۴ میلادي کال کې د جمعیت اسلامي لخوا په ولسمشریزو ټاکنو کې نوماند وو، نوموړي ونشوای کوالی چې د دغه حزب رضایت تر لاسه کړي.
