د کندهار حکومتي چارواکو دا ادعا چې گواکي دوی د طالبانو والي له ۴۵ تنو نورو سره وژلی دی ردوي. نن سهار وختي د کندهار ولایت چارواکو ادعا کړې وه چې دوی د طالبانو د کندهار والي له ۴۵ تنو نورو ملګرو سره وژلی دی.
د طالبانو له لوري په یوه خپره شوې اعلامیه کې راغلي دي چې د یوې نښتې په ترڅ کې د ملي اردو ۱۷ سرتېري وژلي او گڼې وسلې یې له ملي اردو سرتېرو څخه نیولي دي.
طالبانو په دې اعلامیه کې د دې ادعا کړې ده چې دوی د اروزگان او ترینکوټ تر منځ غځېدلې لار د حکومتي چارواکو پر مخ تړلې او په دې ولایت کې یې یوه ستره قرارگا له حکومتي سرتېرو څخه نیولې ده.
طالبانو همدا راز زیاته کړې ده چې د دوی له لوري د حاجي لالا په نامه والي او د ملا احمدشا په نامه مرستیال دې ولایت ته نشته دی.
طالبان ادعا کوي چې حکومتي ځواکونو له دوی سره په مخامخ جگړې کې ماتې خوړلې او اوس درواغژن تبلیغات کوي.
