د بلخ سرپرست والي استاذ عطاء محمد نور د یکشنبې په ورځ له نیویارک ټایم ورځپاڼې سره ویلي چې «څوک مې په زور نه شي لیرې کولی».
اتلس میاشتې وړاندې د ولسمشر له فرمان سره سم د افغانستان ټول والیان سرپرست اعلان شول. د سیاسي چاروکارپوهانو له نظره ولسمشر اشرف غني غوښتل چې له دې لارې د افغانستان ځینې والیان چې نه غواړې خپلې دندې پرېږدي مجبور کړي چې دوي نور رسمي والیان نه وي.
تېره میاشت د ولسمشر لومړي مرستیال او د بلخ د سرپرست والي د ملاتړ کوونکو تر منځ د انځورونو د لمنځه وړلو له کبله نختې راغلې چې له امله یې څه کسان مړه او څه نور ټپیان شول.
له دې شخړې وروسته د ځینو راپورنو له مخې ولسمشر اشرف غني غواړي چې د بلخ والي استاذ عطاء محمد نور له دې دندې لیرې کړي. استاذ عطاء محمد نور چې له ۲۰۰۴م کال راپدېخوا د دې ولایت والي دی نه غواړي چې له دې دندې لیرې شي.
عطاء محمد نور له پخواني ولسمشر حامد کرزي سره هم سیاسي ستونزې درلودلې او څو وارې یې ننګولی وو.
