د ننګرهار په سرهرود ولسوالۍ کې چاودنې مالي او ځاني تلفات اړولي دي. د ننګرهار د والي ویاند عطاء الله خوږیاڼي په دغه پېښه کې د ۲۲ کسانو ټپي کېدنې پخلی کړی دی. هغه ویلي چې یوې موټر بمب د سرهرود امنیه قومندانۍ سره نېږدې وچاودید چې له کبله يې ۱۵ ملکیان او ۷ پولیس ژوبل شول.
د ننګرهار والي سلیم کندوزي په دغه پېښه کې د یوه جومات، امنیه قومندانۍ، ابتدايه محکمې ودانۍ او د بازار ۲۵ دکانونو د تخریب خبر ورکړی دی.
کندوزي ویلي چې د پېښې په اړه یې څېړنې پیل کړي دي او تر دې دمه څرګنده نه ده چې دغه چاودنه چا کړې ده.
