افغانستان
مرکزي بانک څوارلس ميليونه ډالر ليلاموي
د افغانستان مرکزي بانک اعلان کړی، چې نن شنبه د وري په څوارلسمه نېټه به څوارلس ميليونه امريکايي ډالر ليلام کړي.
د افغانستان بانک له لوري په خپره شوې اعلاميه کې راغلي، چې د شرطونو پوره کوونکي صرافان او سوداگريز بانکونه، چې يو ميليون او پنځه لکه افغانۍ يې د تضمين په توگه د افغانستان بانک ته سپارلي وي، کولای شي، په دې ليلام کې برخه واخلي.
د ليلام گټونکي بايد تر دوو ورځو خپل حسابونه پاک کړي.
د افغانستان بانک له ټولو گډونوالو غوښته کړې، چې ليلام کې د گډون لپاره دې نن تر نهو بجو د ياد بانک د مارکيټينگ له مدير څخه د گډون فورمې ترلاسه کړي.
هغه صرافان او سوداگريز بانکونه چې د تضمين په توگه يې يو نيم ميليون افغانۍ مرکزي بانک سره جمع کړي، کولای شي، په دغه ليلام کې برخه واخلی.
