افغانستان

کندز کې ډېر ژر عمليات پيلېږي

کندز ته تللي دولتي پلاوي په نږدې راتلونکې کې هلته د عملیاتو د پيلولو خبر ورکړی دی. لوی درستيز قدم شاه شهيم او د کورنيو چارو وزارت ستر مرستيال لوی پاسوال ايوب سالنگي اوسمهال د يوه دولتي پلاوي په مشرۍ کندوز ته په سفر دي او په وینا يې ډېر ژر به هلته عملیات پيل کړي.

ولسمشر غني نږدې څلور مياشتې وړاندې کندز ته د سفر پر مهال د وسله والو طالبانو پر ضد د عملياتو پيلولو ژمنه کړې وه، خو د کندز د والي په وينا د هلمند جگړو امنيتي ځواکونه هلته بوخت کړل او د کندز عمليات وځنډېدل.

شمال ختيځ کې د ۸۰۸ سپين زر زون عمومي قوماندان لوی پاسوال شېر عزيز کامه وال رسنيو سره خبرو کې ويلي، ياد دولتي پلاوي د کندز امنيتي وضع څېړلې ده او د امنيتي ځواکونو ستونزې يې معلومې کړې دي، چې ژر به هوارې شي.

لوی درستيز قدم شاه شهيم د يوې خبري غونډې په ترڅ کې په ژر راتلونکې کې د عملياتو د پيلولو خبر ورکړی. د کندز چارواکو په تېرو اوونيو کې بيا بيا پر دولت غږ وکړ، که د کندز پر حالاتو غور ونه کړي، طالبان به ډېر ژر يو ځل بيا دغه ښار ونيسي. همدا اوس د ښار شاوخوا سيمې او گڼې ولسوالۍ د طالبانو په ولکه کې دي.

د کندز په تېره جگړه کې سلگونو ملکي وگړو ته مرگ ژوبله واوښته، شاوخوا شل زره کورنۍ خپلو سيمو پرېښودو ته اړ شوې او لسگونه پانگه وال له دې ولايته ووتل.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button