افغانستانسلايډسيمه او نړۍ

پاکستان ټاپي ګاز نل ليکې لپاره طالبانو سره خبرې کوي

پاکستان له ترکمنستانه د افغانستان له لارې پاکستان او هند ته د راتېرېدونکې ګاز نل ليکې د خونديتوب لپاره طالبانو سره خبرو ته تابيا ښودلې ده.

د دې هېواد دفاع وزير خواجه اصف ويلي دي، دغه پروژه ټولو شريکو هېوادونو ته خورا مهمه ده.

ټاکل شوې ده، د هند او پاکستان لومړي وزيران راتلونکې يکشنبه ترکمنستان ته د دې پروژې پرانستو ته ولاړ شي.

دفاع وزير خواجه اصف وايي، پوره هڅه کوي، د راتلونکې يکشنبې له ورځې پر پروژه کار پيل شي او کوښښ کوي، پروژې ته په افغانستان کې د راولاړېدونکو ګواښونو مخه ونيسي. هغه وويل، د دغې نل ليکې د خونديتوب لپاره به طالبانو سره د خبرو هڅه وکړي. خو په وينا يې پروژه د افغانستان لپاره مهمه ده، او ګمان نه کوي، چې کوم افغان لوری به يې مخالفت وکړي.

د ټاپي پروژې دغه ۱۷۰۰ کلو متره اوږده نل ليکه به دوه کلو کې بشپړه شي، د لومړي ځل په توګه به هر کال ۳۰ مليارد ليټره ګاز برابر کړي، چې د افغانستان برخه به په کې ۲۵ سلنه وي. همدا راز تمه ده، چې دا پروژه به افغانستان کې دولس زرو کسانو ته بوختيا پيدا کړي.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button