افغانستان

ولسمشر غني: نبيل ما له دندې نه دی لرې کړی

د ملي امنيت رييس رحمت الله نبيل پاکستان ته د ولسمشر غني د سفر پر مهال پر نوموړي له نيوکو وروسته له خپلې دندې استعفا وکړه، ولسمشر د نوموړي استعفا ومنله.

د ښاغلي نبيل له استعفا وروسته داسې ګمان کېده، چې ولسمشر غني نوموړی د پاکستان په اشاره له دندې ګوښه کړی، خو ولسمشر په خپلو وروستيو څرګندونو کې په ډاګه کړه، چې نبيل د ده له لوري استعفا ته مجبور شوی نه دی، بلکې د ملي امنيت د رييس په توګه ده انتخاب کړی و.

غني زياته کړې ده، نبيل خپله ده ملي امنيت ته ټاکلی و او ټاکنه يې ملي شورا تصويب کړې وه، او د اساسي قانون د څلورشپېتمې مادې له مخې يې ده استعفا ومنله.

ولسمشر د معلوماتي ټکنالوژۍ د برخې په پياوړتيا کې د رحمت الله نبيل هڅې وستايلې، او ويې ويل، چې په دې برخه کې يې افغانستان د يوويشتمې پېړۍ له غوښتنو سره سيال کړ.

د غني په وينا د افغانستان خپلواکي او سياسي حيثيت رسما منل شوی دی، ځکه نو هيڅ بهرني هيواد دا جرات نه شي کولای، د افغانستان چارو کې لاسوهنه وکړي.

د ملي امنيت پخواني رييس له دې امله له خپلې دندې استعفا ورکړه، چې په ګمان يې پاکستان په افغانستان کې د دولت ضد جګړه مارو ملاتړ کوي، خو افغان چارواکي يې تشو ژمنو ته غوږ نيسي او په اړه يې له نرمۍ کار اخلي.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button