افغانستانسلايډ

ولسمشر او اجرایه رييس نن يو په یو سره گوري

ټاکل شوې ده چې ولسمشر غني نن مازديگر له اجرايه رييس عبد الله عبد الله سره دوهمه ناسته وکړي. دا له هغې وروسته ده چې اجرايه رييس د ځوانانو د ورځې په مراسمو کې پر ولسمشر سختې نيوکې وکړې او هغه يې د ملي يووالي حکومت د رامنځته کوونکي هوکړه ليک د ژمنو ماتوونکی وباله.

دواړو ولسمشر او اجرايه رييس تېره اوونۍ يوه ناسته کړې وه، چې اجرايه رييس په کې خپلې نيوکې ولسمشر غني ته اورولې وې، ولسمشر د نيوکو له اورېدو وروسته راتلونکې اوونۍ په دوهمه ناسته کې د هغې د ځواب ژمنه کړې او د ارگ د يوې سرچينې په قول نن به دا يو په يو ناسته وشي.

د اجرايه رياست پلويانو ويلي وو چې په درېيمه غونډه کې به د سياسي هوکړه ليک د عملي کولو پر څرنگوالي وروستۍ خبرې وشي، خو اجرايه رياست به ولسمشر غني سره د «پخوا په څېر» ونه چلېږي. ډاکټر عبد الله ويلي وو چې ولسمشر ورسره په مياشتو مياشتو نه گوري او په سترو پرېکړو کې پرته له دې چې د ده نظر واخلي اقدام کوي.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button