افغانستانسلايډ

هند افغانستان ته ۴ هليکوپترې ورکوي

هندوستان په راتلونکو دوه مياشتو کې د روسي ساخت ۴ «Mi۲۵» ډوله هليکوپترې افغانستان ته ورکوي.

دغه هليکوپترې به د افغان پوځ له لوري د دولت د وسله والو مخالفينو پر ضد جګړه کې وکارول شي.

هندي سرچينو راپور ورکړی، چې روانه اونۍ په دې هېواد کې له هندي چارواکو سره د افغانستان د بهرنيو چارو د مرستيال وزير په ليدنه کې نوموړي ۲۰۱۵ز کال د افغانستان لپاره تر پخوا ډېر خونړی وباله.

د بهرنيو چارو مرستيال وزير حکمت خليل کرزي ويلي: «موږ تر ټولو ډېر تلفات ليدلي، هره ورځ له شلو ډېرو ولايتو کې د تشدد شاهدان يو، بايد په دې وغږېږو».

حکمت خليل وايي، دا چې بهرني ځواکونه له افغانستانه ووتل، له وسله والو سره په مبارزه کې بايد تشه رامنځته نه شي، د دې لپاره موږ توپ لرونکو هليکوپترو ته اړتيا لرو.

د هغه په وينا حکومت دوه نيم کاله وړاندې ۱۵۰۰۰۰ ايتلافي ځواکونه او له ۲۰۰۰۰۰ ډېر قرارداديان لرل، خو د بهرنيانو له وتو سره افغان پوځ د مخالفينو په وړاندې يوازې پاتې شو.

کرزي زياته کړه؛ افغان ځواکونه اوس د خپل نظامي ظرفيت لوړولو ته اړ دي او له همدې امله افغان حکومت خپلو ملګرو هېوادونو ته د مرستې لپاره مراجعه کوي.

ياده دې وي چې هند په تېر اپرېل مياشت کې هم افغانستان ته نظامي موټران او درې کوچنۍ هليکوپترې ورکړې وې.

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button