سيمه او نړۍ

قطر کې د افغانستان په اړه نړيوال کانفرانس جوړېږي

ټاکل شوې ده، چې قطر کې په راتلونکو دوو اونيو کې د افغانستان د قضيې د حل په موخه د «پگواش» نړيوال کانفرانس جوړ شي. دغه کانفرانس د يوې نړيوالې کاناډايي موسسې پگواش له لوري جوړېږي، چې له دې وړاندې يې نور کانفرانسونه هم جوړ کړي دي.

د کانفرانس يوه افغان گډون کوونکي رسنيو ته ويلي، تمه ده دا کانفرانس په راتلونکو دوو اونيو کې جوړ شي.

سرچينې زياته کړې ده، کانفرانس کې به د بېلابېلو ډلو استازي او شخصيتونه گډون وکړي. د پگواش په تېر کانفرانس کې وسله والو طالبانو هم گډون کړی و او ويل کېږي په راتلونکې غونډه کې به هم گډون ولري.

دا په داسې حال کې ده، چې د امريکا او چين په گډون د سيمې هيوادونه روانو ورځو کې په دې هڅو کې دي، چې څه ډول ممکنه ده د ملي یووالي حکومت او وسله والو طالبانو تر منځ د سولې خبرې اترې پيل شي. په دې اړه په تېرو ورځو کې يوه څلور اړخيزه غونډه هم شوې ده، خو طالبانو په کې گډون نه دی کړی.

د کانفرانس موخه د افغانستان د قضيې حل ښودل شوی دی، چې ټول لوري او گډونوال به په کې په دې اړه خپلې نظريې وړاندې کوي.

د ملي يووالي حکومت او وسله والو طالبانو لا تر اوسه په دې اړه څه نه دي ويلي.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button