خبرونهسلايډ

فرانسه: سوریه کې د ترکیې او روسیې تر منځ د جگړې امکان ډېر دی

د فرانسې ولسمشر «اولاند» ویلي چې سوریه کې د ترکیې او روسیې تر منځ د جگړې پراخ امکان شته دی. اولاند چې له یوې فرانسوي راډیو سره مرکه لرله وویل: «د سوریې په شخړه کې د ترکيې دننه کول د روسیې او ترکیې تر منځ د جگړې امکان ډېروي».

اولاند زیاته کړې چې د دواړو لورو تر منځ شخړه ډېر شوې او ده له دواړو لورو غوښتي چې بمبار ودروي او خبرو ته سره کېني. اولاند همدارنگه له روسیې غوښتنه کړې چې د بشار الاسد له ملاتړ څخه لاس واخلي.

د سوریې په کړکېچ کې روسیه د بشار الاسد د جگړه مارو په گټه بمبار کوي چې له همدې امله د بشار جگړه مارو په دې وروستیو کې د حلب ښار شمالي او ځینې نورې مهمې برخې له مخالفینو څخه نیولې دي.

د ترکیې پولو ته نږدې د بشار الاسد او کرد جگړه مارو نږدې کېدل د ترکیې اندېښنې ډېرې کړې دي او له همدې کبله یې پر کرد جگړه مارو توغندیز برید پیل کړی دی.

 

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button