پاموړ

غواړی له ژونده خوند واخلئ؟

ژباړه: حمیدالله حمیدي/

۱- مسکا تر ټولو ارزان بیه شی ده، که غواړئ ښکلې څېره ولرئ مسکي و اوسئ.

۲- که مثبت فکر کوئ، ملګري به مو ډېر وي او له تاسو سره له وخت تېرولو به خوند اخلي.

۳- د هغو نعمتونو په اړه فکر وکړئ چې همدا اوس یې لرئ، نه د هغو مصیبتونو په اړه چې درباندې تېر شوي.

۴- و وایاست هر څه عالي دي؛ ځکه خدای پاک ستاسو خبرې اوري، څو یې پر حقیقت در بدلې کړي.

۵- هره خبره په کافي اندازه تکرار کړئ، تر څو پر حقیقت بدله شي.

۶- موږ هماغه څه ته رسېږو چې په اړه یې فکر کوو، نو په ذهن کې مو لویو افکارو ته ځای ورکړئ.

۷- ځان مو پاک او شفاف ساتئ؛ ځکه تاسو هغه دریڅه یاست چې نړۍ ته ترې ور ګورئ.

۸- لوړې هیلې ولرئ او د رسېدو لپاره یې پر خوا ور ودانګئ.

۱۰- ځان مو له ناروغو افکارو لرې وساتئ چې عبارت دي له کینې، حسادت او حقارت څخه.

۱۱- دعا کولای شي چې له هرې شپې وروسته تاسو ژوندي راپورته کړي او هره ورځ مو په خوښۍ تېره شي.

۱۲- هېڅکله ناهیلې کوونکې او داسې خبرې مه کوئ چې ګواکې ماتې مو خوړلې ده، تل د هیلې، باور، ایمان او بریا په شان کلمې وکاروئ.

۱۳- د نورو پر وړاندې مو د حسادت کړکۍ بنده کړئ، د زړه دریڅه مو د مثبتو افکارو پر لور خلاصه کړئ.

۱۴- په مینه، محبت او مثبت نظر نورو ته وګورئ، دغه څه مو د ملګرو په نوملړ کې زیاتوالی را ولي.

۱۵- دعا مو داسې مه مطرح کوئ چې ګواکې له خدای پاک څخه څه غواړئ، شکر ایستل تر ټولو ښه دعا ده.

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button