شعر

غزل / شرر ساپی

شپه يې سره په وينو شوه، سحر په خطره کې دی
بيا د چا د خپلې برخې لمر په خطره کې

غم د ښايستونو د وېنې په څېر خوړلی یم
ځکه مې په ښکلو اوس باور په خطره کې دی

باد د مغربي تهذيب رالوتی، مشرقي پېغلې!
ستا د سر ټيکرۍ زما څادر په خطره کې دی

غله د غم په سپينه ورځ په سرو سپينو ډاکې وهي
پروت دې پر بڼو باندې ګوهر په خطره کې دی

خوږ د مينې رازه! د خوږ زړه نه بهر مه وځه
بوی د ګلابونو نه، بهر په خطره کې دی

بيا دې شوخ نظر لمبې لمبې جامې اغوستي دي
بيا دې غزلمخې نن شرر په خطره کې دی

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button