راپورونهسيمه او نړۍ

عراق: لارینوالو دا ځل د ایران قونسلګرۍ سمه سوځولی

د عراق پولیس وايي د حکومت ضد اعتراض کوونکو د یوې اونۍ په ترڅ کې پرون- یکشنبې د دوهم ځل لپاره په نجف ښار کې د ایران قونسلګري سوځولې ده، دا ځل یی د ودانۍ یوه برخه هم نه ده پریښي ټوله سوځولی.

د نوامبر میاشتې په ۲۷مه هم قهرجنو لاریون کوونکو په نجف کې د ایران پر قونسلګرۍ په داسې حال کې حمله وکړه چې نارې یې وهلې، ایران دې له عراقه ووځي.

پرونی برید په داسې حال کې کېږي چې له دوه میاشتنیو لاریونونو وروسته چې په ترڅ کې یې له ۴۰۰ زیات کسان ووژل شول پارلمان د صدراعظم عادل عبدالمهدي استفعا تایید کړه.

د راپورونو له مخې په پلازمېنه بغداد، موصل او یو شمېر شیعیه میشتو جنوبي ښارونو کې پرون بیا د حکومت پرضد اعتراضونه وشول.

معترضانو د صدراعظم عبدالمهدي د استعفا د هرکلي ترڅنګ د اساسي بدلونونو غوښتنه هم کوله.

ورته مطالب

Back to top button