افغانستانخبرونهسلايډ

عبدرب الرسول سیاف پر طلوع د طالبانو برید وغانده

د ولسي جرګې پخواني غړي او د حراست او ثبات شورا غړي، عبدرب الرسول سیاف د طلوع ټلویزیون پر کارکوونکو د طالبانو برید غندلی. سیاف چې له طلوع نیوز سره یې خبرې کولې د طالبان برید «ترهګریز او بزدلانه» وباله.

سیاف ټینګار وکړ چې له پیله یې د شریعت او دین له نظره د طالبانو بریدونه او کړنې غندلې او ناروا بللې وې.

عبدالرب رسول سیاف وویل، طالبان ځکه خبریالان په نښه کوي چې د دوی «فجایع» خپروي. سیاف په خپلو خبرو کې د طلوع له ټولو خبریالانو سره خواخوږي څرګنده کړه.

سیاف رسنۍ «د هېواد دفاع په سنګر کې» ولاړې وګڼلې.

تېره چارشنبه د کابل په دارالامان واټ د طلوع ټلویزون د کارکوونکو کاسټر موټر د یوه برید نښه وګرځېد. طالبانو د برید مسوولیت په غاړه واخیست او طلوع ټلویزیون یې «استخباراتي دستګاه» وګڼله. طالبانو د کندوز د جګړې پر مهال، هغه وخت طلوع او یک ټلویزیونونه د خپلو مشروع اهدافو په نوملړ کې شامل کړل چې طلوع طالبان په جنسي تجاوزونو تورن کړي وو.

 

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button