افغانستانراپورونه

“طالبان او امریکایان توافق ته ورسېدل”

ناتایید شوي رپوټونه وایي چې طالبان او امریکایان په قطر کې یو توافق ته رسېدلي دي.
باخبره سرچینو بي بي سي ته ویلي چې اوس دواړه لوري د توافق لیک په پښتو، دري او انګلیسي متنونو باندې کار کوي، څو نیمګړتیاوې له منځه یوسي.
د چارو کارپوه نظر محمد مطمین هم وایي چې د دواړو لورو تر منځ تړون بشپړ شوی دی.
هغه زیاتوي چې قطر د تړون لاسلیکېدو د مراسمو له پاره په چمتووالي بوخت دی.
بل خوا، ویل کېږي چې د امریکا ځانګړی استازی زلمی خلیلزاد نن کابل ته راځي او د ملي یووالي حکومت مشرانو سره به وګوري.
دواړو لورو له افغانستانه د بهرنيو ځواکونو د وتلو او راتلونکي کې د افغانستان څخه د ګواښ د نه متوجه کېدو په اړه ډېر بحثونه کړي دي.
د راتلونکي نظام په اړه به خبرې په بین الافغاني غونډو کې کېږي چې تمه ده ژر به دغه ډول غونډې پېل شي.

Tags

Related Articles

Back to top button