سلايډسيمه او نړۍ

سوریه کې د روسیې ځواکونو په هوائي بریدونو کی لسګونه کسان وژل شوي

د سوریې په حلب او نورو ښارونو کې د روسیې او بشارالاسد ځواکونو په بمبارۍ کې لسګونه کسانو ته مرگ ژوبله اوښتې دی. د راپورنو له مخې د وژل شویو کسانو شمیره ۹۰ تنو ته رسېږي. د وژل شوو کسانو ډېره برخه د حلب د ښار اوسېدونکي دي.
د الجزیرې ټلویزوني چینل خبر ورکړی چې د حلب په حیان نومې سیمه کې د بشار الاسد ځواکونو په هوایي برید کې د یوې کورنۍ ۱۲ تنه وژل شوي. خبر زیاتوي چې د حلب په الفردوس نومې بازار باندې د روسيې له لوري په بمبارۍ کې ۲۰ تنه وژل شوی او لسګونه نور ټپیان دي.
د الجزیرې د راپور له مخې د حلب د ښار د کفر حمره د سیمې روغتون هم د روسيې د هوايي ځواکونو له لوري په نښه شوی وو چې له امله یې د روغتون دوه تنه کارکوونکي چې یو یې د ماشومانو د څانگی ډاکټر وو وژل شوي دي.
ویل کېږي چې له بمبارۍ وروسته د بشار الاسد ځواکونو د حلب د ښار په راموسه سیمه برید کړی چې د مخالفو اورپکو له لوري له کلک مقاومت سره مخ شوي وو او بېرته په شا وتمبول شول.

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button