افغانستان

راتلونکې اوونۍ د سولې په اړه څلور اړخيزه غونډه کېږي

د امريکا بهرنيو چارو وزارت راتلونکې اوونۍ د ملي يووالي حکومت او وسله والو مخالفينو تر منځ د سولې په اړه د امريکا، چين، پاکستان او افغانستان د څلور اړخيزې غونډې له جوړېدو خبر ورکړی دی.

په دې اړه تېره مياشت په اسلام اباد کې د «اسيا زړه کانفرانس» کې خبرې شوې وې او تړليو لوريو ډېر ژر د يوې څلور اړخيزې غونډې د داېرېدو ویلي وو، چې د امريکا د بهرنيو چارو وزارت د وياند جان کربي په خوله راتلونکې اوونۍ به تر سره شي.

نوموړي دغه غونډه د اسيا زړه کانفرانس د لړۍ برخه بللې خو په وينا يې په غونډه کې د امريکايي گډون کوونکي پلاوي په اړه نور څه نه شي ويلای.

کربي زياته کړې ده، په کېدونکې غونډه کې به که څه هم د طالبانو استازي نه وي، خو دا څلور اړخيزه غونډه د افغان سولې په برخه کې ستر پرمختگ دی.

کربي د دغې غونډې موخه سيمه کې د ملگرو هيوادونو تر منځ اړيکې پياوړي کول ښودلې ده.

ايران هم څو ورځې وړاندې په دې غونډه کې د غړيتوب غوښتنه کړې وه، خو لا هم معلومه ده، چې غړيتوب به ورکړل شي او که نه.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button