افغانستانخبرونه

د ژورنالیستانو فدراسیون له طالبانو سره اړیکو کې بدلون راولي

د تېرې چارشنبې پر ماښام وسله والو طالبانو د کابل په درالامان واټ د طلوع ټلویزیون د کارکوونکو یو کاسټر موټر په نښه کړ چې اووه تنه په کې ووژل شول او له شلو ډېر یې ټپیان کړل.

د برید مسوولیت طالبانو په غاړه واخیست. د طالبانو ویاند، ذبیح الله مجاهد طلوع ټلویزیون «استخباراتي دستگاه» گڼلې وه.

طالبانو له هغې وروسته طلوع او یک ټلویزیونونه د خپلو «مشروعو پوځي اهدافو» په نوملړ کې داخل کړل، چې طلوع په یوه راپور کې ویلي و چې د کندوز پوهنتون د نجونو په شپه غالي کې طالب جنگیالیو پر مېرمنو جنسي تجاوز کړی و.

د افغانستان د خبریالانو فدارسیون د طالبانو برید غندلی او د برید ورځ یې «توره چارشنبه» گڼلې ده.

د خبریالانو په خبرپاڼه کې راغلي: «دغه پېښه به د رسنیو چلند د طالبانو له ترهگرې ډلې سره بدل کړي. ترهگر طالبان به د دې کړنې لوړه بیه پرې کړي». د خبریالانو فدراسیون په خبرپاڼه کې طالبان «ترهگر» وگڼل. افغان حکومت او متحده ایالات طالبان د افغان حکومت «وسله وال مخالفین» گڼي. د خبریالانو فدراسیون ویلي چې له دې وروسته به د طالبانو اړوند د خبرونو پوښښ کې بدلونونه راوړي.

فدراسیونه د ملي يووالي حکومت له چارواکو غوښتي چې د نظام په داخل کې هغه کړۍ په نښه کړي چې طالبانو ته تبلیغ او پلان جوړوي.

Tags

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button