سلايډسيمه او نړۍ

د پاکستانۍ الوتکې عمله اسلام آباد ته ورسېده

د پاکستان د بهرنیو چارو وزارت ویلي. هغه الوتکه چې څو ورځې وړاندې د لوګر ولایت په ازرې ولسوالۍ کې بېړنۍ ناستې ته اړ شوه، چې له ناستې څخه وروسته د دغې الوتکې عمله د طالبانو لاس ته ورغلي وو. دغه عمله نږدې لس ورځې له طالبانو سره وه، چې تر خوشې کېدو ورسته نن اسلام آباد ته رسېدلې ده.
پاکستان وايې، چې د دغې الوتکې عمله د ډیورنډ کرښې ته څېرمه د افغانستان او پاکستان په کډه پوله خوشې شوې، چې ورسته بیا د پاکستان حکومت لخوا په یوه الوتکه کې اسلام آباد ته لېږدول شوې. په دغه الوتکه کې د پاکستان لوړپوړو چارواکو په کډون یو روسی پیلوټ هم وه.
پاکستان د خوشې شوې عملې نومونه په ډاکه کړي، چې کپتان صفدر حسین ( مشر پیلوټ)، کپتان صفدر اشرف، کپتان محمد شفیق الرحمن (لومړی بریدمن)، محمد کوثر د عملې مشر، نصیر محمد (انجینر)، سیرګي سواستیانوف ( روسی پیلوټ) په دغه الوتکه کې وه، او د ټولو روغتیایي وضعیت ښه دی.
افغان حکومت لا تر اوسه پورې په دې اړه څه ندې ویلي.

ورته مطالب

ځواب دلته پرېږدئ

ستاسو برېښناليک به نه خپريږي.

Back to top button