پاموړ

د نړۍ تر ټولو نری لیپ ټاپ معرفي شو

د تیر کال په څیر روان کال هم د ټکنالوژي پیژندل شوی کمپنۍ یو پیاوړی خو ډیر زیات نری لیپ ټاپ کاروونکو ته وړاندې کوي. د لاس ویګاس غونډې کې وړاندې شوی دغه لیپ ټاپ لینوو یوګا ۹۰۰ نومول شوی.

د لینوو د کمپنۍ په وینا دغه لیپ ټاپ له نیم انچ څخه لږ پنډوالی او له یو کیلو ګرام څخه لږ وزن لري چې له همدې امله د لینوو کمپنۍ په وینا دغه لیپ ټاپ د نړۍ تر ټولو نری لیپ ټاپ ګڼل شوی.

دغه لیپ ټاپ د تیر کال د لیپ ټاپ په پرتله ډیر پیاوړی او نری دی او په دغې لیپ ټاپ کې د اینټل کمپنۍ کور ایم پروسېسر ځای پر ځای شوی.

د لینوو د کمپنۍ په وینا دغې لیپ ټاپ کې پیاوړی بیټرۍ کارول شوی. د کمپنۍ په وینا دغه لیپ ټاپ کولی شي تر لسو ساعتونو پورې چارج وساتي.

د لاس ویګاس په غونډې کې د لینوو د کمپنۍ نماینده نړیوالو رسنیو ته وویل چې دغه لیپ ټاپ به روان کال د ۱۰۹۹ ډالرو په بیه نړیوالو کاروونکو ته وړاندې شي.

له دې سربیره د لینوو کمپنۍ د ۷۱۰ لړۍ درمیانه لیپ ټاپونه هم معرفي کړي. د دغو لیپ ټاپونو د اسکرین اندازه ۱۳.۳ انچه، وزن يي له یو کیلو ګرام څخه زیات او له نیمه انچ څخه زیات پنډوالی لري.

لینوو کمپنۍ ویلی چې د ۷۱۰ لړۍ لیپ ټاپونو بیه به ۷۹۹ امریکايي ډالره وي او دغه لیپ ټاپونه به هم په ۲۰۱۶ کال کې کاروونکو ته وړاندې کیږي.

Tags

ځواب دلته پرېږدئ

ستاسو برېښناليک به نه خپريږي.

Back to top button