اسلامسلايډ

د حج هغه مبارک ځایونه چې دعاوې پکې ضرور قبلیږي

: سوال: په حج کي کوم مبارک ځایونه دي چي دعاوي ضرور قبلیږي؟
ځواب: عبدالغفار جُبیر
کله چي امیر المؤمنین خلیفة المسلمین حضرت عمر فاروق رضی الله عنه و عُمرې ته تلی نو نبي کریم صلی الله علیه وسلم ورته وویل چي موږ په دعاء کي مه هېروه.
۱: کله چي د لومړي ځل لپاره و کعبې شریفې ته مخامخ شی هره دعاء قبلیږي.
۲:کله چي حجر الاسود ته مخامخ و دریږی هره دعاء قبلیږي.
۳: میزاب رحمة یعني د رحمت د ناوې لاندي چي و دریږی هره دعاء قبلیږي.د رحمت ناوه په حطیم شریف کي ده.
۴: ملتزم شریف چي د رکن یماني او حجر الاسود تر منځ دی هلته چي څوک و دریږي هره دعاء قبلیږي.
۵: د زمزم د څاه سره چي و دریږی هره دعاء قبلیږي.
۶: کله چي د صفاء پر غونډۍ باندي و دریږي هره دعاء قبلیږي.
۷: کله چي د مروه پر غونډۍ باندي و دریږی هره دعاء قبلیږي.
۸: په عرفات کي هره دعاء قبلیږي.
۹: په مزدلفه شریفه کي د وقوف مزدلفې په وخت کي هره دعاء قبلیږي.
۱۰:په منی کي کله چي جمرة الصغرا(کوچنی شیطان) وویشتل شي وروسته هره دعاء قبلیږي.
۱۱: کله چي جمرة الوسطی (میانه شیطان) وویشتل شي هره دعاء قبلیږي.
۱۲: د مقام ابراهیم سره هره دعاء قبلیږي.
۱۳: په حطیم شریف کي هم هره دعاء قبلیږي.
۱۴: د صفاء او مروه په منځ کي چي شنه میلونه او ګروپونه دي او هلته نارینه منډه وهي هلته هم هره دعاء قبلیږي.
۱۵:د زمزم د اوبو د څیښلو پر مهال هره دعاء قبلیږي.

Tags

ځواب دلته پرېږدئ

ستاسو برېښناليک به نه خپريږي.

Back to top button